啱啱真係幾驚險😰
今日由福岡搭新幹線去到熊本
再搭巴士去北熊本站
其實好淆底，啲班次好難睇😨
上錯左巴士好彩有問「北熊本へ行きますか？」
聽完「違います」再拎住個喼落返車
好彩聽得明
（唔明點解巴士設計要中間上，司機位落，想問司機路都唔方便）
搭啱左駕巴士又一路睇住Google Map, 驚死架車會錯
想問隔黎個妹妹但又怕搭訕😅
到到落車，原來佢同我同一站落😍
仲竟然主動多謝我幫佢開路😂
就係咁，我識左個熊本妹妹😃
但最大嘅難關都係喺呢個妹妹走左之後發生😭
去到一個山卡啦嘅地方，明明係我Google Map顯示嘅地方
來回左幾次
Skype Call 個房主發現原來都唔係好溝通到
有個食煙嘅男人埋黎，佢一味講日文，我一味講英文
我以為佢係Airbnb房主個朋友接我去佢屋企
結果佢車左我去差館😭
我Skype Call 房主俾佢同警察傾
等左半個鐘😉
結果，我搭左人生第一次警車返Airbnb，仲要係去旅行😂
事件教訓：
唔好太依賴Google Map😑
我決定真係要學好日文，今日係我最後悔係學好日文嘅一日😵
BTW, 我房主真係好好人，聽日再講😍
Search